Фьюрининг отаси Жошуага мурожаат қилди

"Энтони ғалаба қозонишини истардим. Унга тўғри йўл кўрсатадиган инсон керак. Бунга доим тайёрман. У бизга ажойиб бокс оқшомларини тақдим этди. Ҳеч қачон қочмади ва доимо жанг қилди. Энтони ҳар доим ҳар қандай рақибга қарши кураш олиб борди. Ҳа, у ютқазган. Лекин шунга қарамай у жанг қилди, тўғрими?

Бу инсонни ҳурмат қилиш керак. Жошуа ёш ва ишончим комилки, ҳозирги жисмоний ҳолати билан учинчи марта чемпионликни қўлга киритади. Кейин ким билсин, балки у Тайсонни рингга қайтара олар. Омад Энтони, сен яхши йигитсан!" — Жон Фьюри.

Эслатиб ўтамиз, Энтони Жошуа ва Александр Усик ўртасидаги реванш жанги 20 август куни Саудия Арабистонида бўлиб ўтади.