Фьюрининг промоутери Усик ва унинг жамоаси жангдан қочиш учун баҳона қидираётганини айтди

"Усик жамоаси Тайсон 29 апрель куни жангга тайёр эмаслигига ишонган эди. Шу сабаб улар реванш учун молиявий шароитларни ўзгартиришни талаб қилишди. Аммо, Фьюри ўз вақтида жанг қилишга тайёр эканлиги маълум бўлди. Айни пайтда у икки ярим ҳафталик ўқув-машғулот йиғинида. Усик ва унинг жамоаси бундан қутулиш учун шунчаки баҳона излашди", - деди Уоррен.

Александр Усик ўз навбатида учта чемпионлик камарини ҳимоя қилиши керак. Унинг навбатдаги рақиби WВА йўналиши бўйича мажбурий даъвогар Даниэль Дюбуа. Кейингиси IBF бўйича мажбурий даъвогар Филип Хргович. WВО камарига мажбурий даъвогар Жо Жойс эса келаси ой Чжан Чжилэга қарши жанг ўтказиши режалаштирилган.

"29 апрель охирги муддат эди. Бу муддатдан сўнг Усикнинг камарларини ҳимоя қилиш мажбуриятлари кучга киради", - дея қўшимча қилди Уоррен.