10 янв 14:51
Янгиликлар

Теннис

Гаэль Монфис ASB Classic финалида ўйнайди

Янги Зеландиянинг Окленд шаҳрида теннис бўйича ATP 250 тоифасига кирувчи турнир якунига етиб бормоқда.

Дунёнинг 52-ракеткаси бўлиб турган Гаэль Монфис мусобақанинг финалига йўл олди. Франциялик теннисчи 1/2 финалда ATP рейтингида 133-поғонада бораётган америкалик Нишеш Басавареддини қийинчилик билан мағлубиятга учратди - 7/6(5), 6/4.

Тажрибали Гаэль теннисчиларнинг ўзаро иккинчи учрашувида ҳам ғалаба қозонди. Бир юз саккиз дақиқа давом этган баҳсда Монфис 7, Басаваредди 3 та эйс зарбасини амалга оширган. Энди у бош соврин учун бельгиялик Зизу Бергсга қарши кортга чиқади. Зизу 1/2 финалда португалиялик Нуну Боргешдан 6/2, 3/6, 7/5 ҳисобида устун келди.