Ғалабали серия билан келаётган қирғиз UFC жангчисига рақиб берилди

Ярим ўрта вазн тоифасидаги қирғизистонлик аралаш яккакураш устаси тажрибали Крис Кёртисга қарши жанг ўтказади. Оролбай муддатидан аввал қозонилган икки ғалабали серия билан келмоқда. У кимура усулида Тофик Мусаевни, нокаут эвазига Жек Германсонни мағлубиятга учратган эди. Бунгача қирғизистоннинг 27 ёшли Миктибек ташкилотда биринчи марта мағлубиятга учраб, ҳакамларнинг алоҳида қарори билан Матеуш Ребецкига ютқазган эди.

Крис Кёртис эса аввалги жангида Макс Гриффин устидан алоҳида ҳакамлик қарори билан ғалаба қозониб, фаолиятини муваффақиятли йўналишга қайтарди. Бу билан 38 ёшли америкалик Брендан Аллен ва Роман Копиловга қарши жангларда икки мағлубиятдан иборат серияни ёпди.

Оролбай ўтган йили енгил вазн тоифасидан ярим ўрта вазнга кўтарилган бўлса, Кёртис ҳам ўрта вазн тоифасидан тушиб, дивизионда иккинчи жангини ўтказмоқда.