23 сен 08:39
Янгиликлар

Гандбол

Гандбол. Бугун Ўзбекистон жаҳон чемпионатига йўл олиши мумкин

Теглар : Гандбол

Иорданияда аёллар ўртасида гандбол бўйича Осиё чемпионати давом этмоқда.

Бугун, 23 сентябрь куни мусобақа доирасида плей-офф баҳслари ташкил этилади. 5-8 ўринлар учун тўрт терма жамоа баҳс олиб боради.

Ўзбекистон терма жамоаси кучли олтиликка кириш учун мезбон Иордания терма жамоасига қарши ўйнайди. Агар қизларимиз мазкур баҳсда ғалабага эришсалар, шу йил декабрь ойида Испанияда ташкил этиладиган жаҳон чемпионатига йўл оладилар. Ушбу ўйин Тошкент вақти билан соат 15:00да бошланади. Бугун ўтказиладиган баҳсда Ўзбекистон терма жамоасига омад тилаймиз.

Иккинчи жуфтликда эса Сурия ҳамда Гонконг терма жамоалари ЖЧ йўлланмаси учун баҳс юритадилар.

Бунгача Жанубий Корея, Эрон, Япония ва Қозоғистон терма жамоалари ярим финалга чиқиб, жаҳон чемпионати йўлланмасини нақд қилиб қўйгандилар.