18 авг 08:43
Янгиликлар
Гандбол
Гандбол: Навоийда қизлар ўртасида мамлакат чемпионати бошланди
Навоий вилоятининг Хатирчи туманида 2004-2005 йилларда туғилган қизлар ўртасида гандбол бўйича Ўзбекистон чемпионати бошланди, деб хабар беради Жисмоний тарбия ва спорт вазирлиги матбуот хизмати.
Мусобақада жами 12 та жамоа тўртта гуруҳга бўлинган ҳолда ғолиблик учун баҳс олиб боришмоқда.
“А” гуруҳи – Навоий ва Қашқадарё вилоятлари, Қорақалпоғистон Республикаси;
“В” гуруҳи – Андижон, Жиззах, Хоразм вилоятлари;
“С” гуруҳи – Фарғона, Тошкент, Сурхондарё вилоятлари;
“Д” гуруҳи – Наманган, Самарқанд, Навоий вилояти-2.
Шуни алоҳида таъкидлаш жоиз, Ўзбекистон чемпионатида айрим сабабларга кўра Тошкент шаҳри, шунингдек Бухоро ҳамда Сирдарё вилояти жамоалари иштирок этишмаяпти.
Мусобақа ғолиблари эртага аниқланади. Ушбу чемпионат Ўзбекистон ўсмир қизлар терма жамоасига номзодларни саралаб олиш имконини беради.
Ҳавола :
Фикрлар