25 сен 16:32
Янгиликлар
Гандбол
Гандбол. Ўзбекистон терма жамоаси иккинчи марта жаҳон чемпионатида қатнашади
Иорданияда гандбол бўйича аёллар ўртасида Осиё чемпионати ўз якунига етиб бормоқда.
Бугун мусобақа доирасида Ўзбекистон терма жамоаси Гонконг терма жамоасини 28:25 ҳисобида мағлубиятга учратди ва жаҳон чемпионати йўлланмасини қўлга киритди.
Бу орқали гандболчи қизларимиз тарихда иккинчи марта жаҳон чемпионатида қатнашиш ҳуқуқига эга бўлишди.
Бунгача Ўзбекистон аёллар терма жамоаси 1997 йилда Германияда ўтказилган ЖЧда қатнашган ва ўз гуруҳида Хорватия, Норвегия, Франция, Беларусь ва Канада терма жамоаларига қарши баҳс олиб бориб, 1 очко билан гуруҳда сўнгги ўринни эгаллашган.
2021 йилги жаҳон чемпионати 1-19 декабрь кунлари Испанияда ўтказилади.
Ҳавола :
Манба : olamsport.com
Фикрлар