18 сен 18:56
Янгиликлар

Гандбол

Гандбол: Ўзбекистон ва Россия ҳамкорлиги ривожланмоқда

Ўзбекистон Давлат жисмоний тарбия ва спорт университетида Ўзбекистон гандбол федерацияси ҳамда Сибирь давлат жисмоний тарбия ва спорт университети доцентлари иштирокида мураббий, талаба ва ёш мутахассислар учун халқаро илмий-амалий семинар ташкил этилди.

Гандбол, теннис, бадминтон назарияси ва услубияти кафедраси ва Ўзбекистон гандбол федерацияси билан ҳамкорликда ташкил этилган мазкур семинарда Сибирь давлат жисмоний тарбия ва спорт университети "Жисмоний тарбия ва спорт назарияси ва услубияти" кафедраси доценти, педагогика фанлари номзоди Анна Асеева ҳамда Владимир Битюцкий иштирокида очиқ маъруза машғулоти ҳамда мастер класс бўлиб ўтди.

“Ёши ва тайёргарлик даражаси ҳар хил бўлган гандболчиларга умумий ва махсус машғулотлар ўтишда замонавий ёндашувлар” мавзусида ўтказилган мазкур семинарда иштирокчилар ўзларига керакли ва қизиқарли бўлган маълумотларни олишди.