Гандбол: спортчиларимизни олдинда қандай мусобақалар кутмоқда?

Улар аввало ғалаба қозонишиб, юрт байроғини юқорига кўтаришга интилишади.

Нуфузли мусобақаларда юқори натижалар қайд этиб, ватанимиз шарафини муносиб ҳимоя қилиб келаётган гандболчиларимизни ҳам яқин кунларда бир қатор муҳим мусобақалар кутиб турибди.

Спортни ривожлантириш вазирлиги ва Миллий Олимпия қўмитасининг 2022-йилги тақвим режасига асосан қизлар жамоамиз Шимолий Македония Республикасининг пойтахти Скопе шаҳрида 29 июлдан бошланган 18 ёшли қизлар ўртасидаги жаҳон чемпионатида иштирок этишади.

9-18-август кунлари Туркиянинг Коня шаҳрида V Ислом бирдамлик ўйинлари ўтказилса, 1-15-август кунлари 2004-йилда туғилган ёшлар ўртасида Фамагусто халқаро турнири ташкил этилади.

Шундан сўнг гандболчиларимиз 19-31-август кунлари 2023-йилда Хорватия давлатида бўлиб ўтадиган Жаҳон чемпионатига йўлланма берувчи 9-Осиё чемпионати олдидан хорижий ўқув-машғулотлар йиғинини ўтказишади.

Бўлажак мусобақаларда гандбол бўйича ўсмирлар, ёшлар ва катталар терма жамоаларимизга омад тилаймиз.