13 ноя 15:40
Янгиликлар

Гандбол

Гандбол: терма жамоаларимиз ўқув-машғулот йиғинларида иштирок этмоқда

Теглар : Гандбол

Гандбол бўйича Ўзбекистон терма жамоалари бир неча йилдирки нуфузли халқаро мусобақаларда ижобий натижаларни қўлга киритган ҳолда жаҳон ареналарида Ватанимиз шарафини муносиб ҳимоя қилиб келишмоқда.

Ушбу муваффақиятларнинг асосий омили сифатида Ўзбекистон терма жамоалари аъзолари мунтазам равишда ўқув-машғулот йиғинларида иштирок этиши, таркиб эса ёш, иқтидорли спортчилар билан тўлдириб борилиши ҳамда спортчиларимиз машғулотлар жараёнида ўз маҳорат, тажрибаларини орттириб боришаётганликларини кўрсатиш мумкин.

Қисқа муддатлик танаффусдан сўнг гандболчи қизларимиз 2020 йил 1 ноябрдан Наманган шаҳридаги Муҳандислик қурилиш институтининг 2-спорт залида икки ҳафталик ўқув-машғулотлар йиғинига киришди.

2020 йил 1-20 ноябрь кунлари эса Самарқанд шаҳридаги 2-сонли Академик лицей спорт залида ўсмирлар терма жамоаси аъзолари учун ҳам ўқув-машғулотлар йиғини ташкил этилган.

Ҳар иккала терма жамоамиз аъзоларининг ўқув-машғулотлар йиғини карантин қоидаларига қатъий амал қилинган ҳолда ташкил этилган бўлиб, ҳар куни мунтазам равишда спортчиларнинг саломатликлари текшириб борилмоқда.