Гандбол. U-18 жамоалари ўртасида Ўзбекистон кубоги якунланди + ФОТО

Ўзбекистон Республикаси Спорт вазирлиги ҳамда Гандбол федерациясининг 2024 йилги спорт мусобақалари тақвим-режасига кўрп, Абу Али Ибн Сино номидаги Бухоро давлат тиббиёт институтининг спорт базасида гандбол бўйича ўн саккиз ёшгача бўлган ўғил болалар ва қизлар жамоалари ўртасида Ўзбекистон кубоги ўтказилди.

Ўғил болалар жамоалари ўртасида Самарқанд вилояти вакиллари кубок соҳиби бўлишди. Иккинчи ўрин Бухоро вилояти, учинчи ўрин эса Навоий вилояти жамоларига насиб этди.

Қизлар жамоалари орасида Қорақалпоғистон Республикаси гандболчилари зафар қучишди. Кейинги совринли ўринларни мос равишда Сирдарё ва Хоразм вилояти жамоалари эгаллашди.

Мусобақанинг “энг яхши ўйинчилари” номинацияларида Озод Мусаев (Самарқанд вилояти), Беҳруз Раҳмонов (Навоий вилояти), Нурсултон Бозорбоев (Бухоро вилояти), Зуҳра Эркабоева (Хоразм вилояти), Дилфуза Ибраимова (Қорақалпоғистон) ва Улжан Қидирбаева (Қорақалпоғистон) эътироф этилди.

Икром ХУДОЙБЕРГАНОВ тайёрлади