29 июн 06:59
Янгиликлар

Гандбол

Гандбол. Ёшларимиз Қозоғистондаги мусобақада ғолиб бўлишди

Гандбол бўйича Ўзбекистон ёшлар ва ўсмирлар терма жамоаси аъзолари Қозоғистондаги «IHF Trophy CUP» мусобақасининг Марказий Осиё босқичида иштирок этишди.

Бир неча кун давом этган баҳслар якунига кўра, ўсмирларимиз (U-18) барча рақиблари устидан зафар қучиб, мусобақа ғолибига айланишди.

Спортчиларимиз гуруҳ босқичида Тожикистон, Қирғизистон, Қозоғистон, Туркманистон терма жамоаларини мағлубиятга учратишди. Ҳал қилувчи финал босқичида мезбон – Қозоғистон терма жамоаси аъзоларини 36:26 ҳисобида мағлуб этиб, турнир ғолибига айланишди. Ушбу ғолиблик спортчиларимизга «IHF Trophy CUP» мусобақасининг Осиё босқичида иштирок этиш ҳуқуқини тақдим этди.

Турнирда қатнашган U-19 терма жамоамиз ҳам гуруҳдаги барча рақибларини мағлубиятга учратиб, финал ўйинига йўл олганди. Афсуски, ҳал қилувчи баҳсда терма жамоамиз мезбонларга 25:27 ҳисобида имкониятни бой берди.