01 янв 18:52
Янгиликлар

Гандбол

Гандболчи қизларимиз Сингапурдан кумуш, йигитлар эса бронза билан қайтишяпти + ФОТО

Сингапур давлатида ўтказилаётган гандбол бўйича Жанубий Шарқий Осиё чемпионати якунига етди.

Мусобақада иштирок этган Ўзбекистон аёллар ва эркаклар терма жамоаси совриндорлар сафидан жой олди. Қизларимиз финал учрашувида Хитой Тайпейи терма жамоасига 25:28 ҳисобида ютқазиб, кумуш медални қўлга киритишди.

Эркаклар жамоаси эса бронза медали учун кечган баҳсда Таиланд терма жамоасидан 40:26 ҳисобида устун келди. Мусобақада Эрнест Игнатенко ва Дилбар Баҳромова энг яхши ўйинчи номинацияси бўйича тақдирланишди. Умида Худойқулова эса энг яхши дарвозабон бўлди.