Гандболчиларимиз “Interamnia World Cup”да

1973 йили асос солинган ва ўз тарихида эллигинчи маротаба ўтказилаётган ўзига хос жаҳон Кубогида беш қитъанинг 46 давлатидан келган 164 та ёшлар ва  қизлар, эркаклар ва аёллар жамоалари ғолиблик учун ўзаро куч синашяпти. 

Ушбу нуфузли мусобақада ўзбекистонлик гандболчилар ҳам иштирок этишмоқда. Хусусан, Тошкентнинг РКОР жамоаси ёшлар, Бекободнинг АГМК жамоаси эса эркаклар биринчилигида мамлакатимиз шарафини ҳимоя қиляпти.  

Эътиборлиси яна шундаки, ҳамюртларимиздан Дилшод Турапов ва Ҳасан Қаюмов 50th Interamnia World Cup учрашувларида ҳакамлик ҳам қилишмоқда.

Таъкидлаш жоиз, вакилларимиз ушбу Кубок ўйинларида 2016 йилдан буён иштирок этишмоқда. Дастлабки йили эркаклар жамоамиз чемпионлик нашидасини сурган бўлса, кейинчалик, ёшлар жамоамиз икки марта шоҳсупанинг энг юқори поғонасига кўтарилиб, яна икки марта кумуш медаль эгасига айланишган.