07 дек 23:38
Янгиликлар

Гандбол

Гандболчиларимиз жаҳон чемпионати гуруҳ босқичидаги сўнгги учрашувни ўтказишди

Испанияда гандбол бўйича аёллар терма жамоалари ўртасидаги жаҳон чемпионатининг гуруҳ босқич баҳслари давом этмоқда.

Мусобақада илк бор иштирок этаётган Ўзбекистон аёллар терма жамоаси бироз аввал гуруҳдаги сўнгги ўйинини Пуэрто-Рико терма жамоасига қарши ўтказди.

Афсуски, учинчи учрашувда ҳам гандболчиларимиз мағлубият аламини тотиб кўришди. Бу сафар гуруҳдаги асосий рақиб ҳисобланган Пуэрто-Рико терма жамоасига 24-30 ҳисобида имконият бой берилди. Энди терма жамоамиз 25-ўрин учун кечадиган баҳсда паркетга чиқади.

Эслатиб ўтамиз, Ўзбекистон терма жамоаси Швецияга 15:46, Нидерландияга эса 17:58 ҳисобида ютқазганди. Бугун бизни мағлуб этган Пуэрто-Рикода ҳам иккита мағлубият бор эди.