10 дек 08:02
Янгиликлар

Гандбол

Гандболчиларимиз Жаҳон чемпионатида тарихий ғалабага эришишди

Испанияда гандбол бўйича аёллар жамоалари ўртасида жаҳон чемпионати давом этмоқда.

Бу каби нуфузли мусобақанинг финал босқичида илк бор иштирок этаётган терма жамоамиз гуруҳнинг уччала учрашувида ҳам мағлубиятга учрагани ва энди қуйи ўринлар учун кураш олиб бориши ҳақида хабар берган эдик.

Терма жамоамиз кеча тунда 25-32 ўринлар учун кечаётган гуруҳнинг илк учрашувида эронлик қизлардан 37-32 ҳисобида устун келишди. Гуруҳнинг иккинчи баҳсида эса Ангола қитъадоши Камерун тенма жамоасини 35-24 ҳисобида енгди.

Жаҳон чемпионатининг финал босқичида илк ғалабани қўлга киритган терма жамоамиз энди эртага, 11 декабрь куни тўплар нисбатига кўра гуруҳ етакчиси бўлиб турган Камерунга қарши паркетга чиқади.