09 июн 07:21
Янгиликлар

Гандбол

Гандболчиларимиз халқаро мусобақада совриндор бўлишди

Россиянинг Тольятти шаҳрида гандбол бўйича ёшлар ва ўсмирлар ўртасида халқаро турнир бўлиб ўтди.

Мусобақада мамлакатимиз шарафини ўсмирлар терма жамоамиз қаторида Андижон ва Жиззах ОЗМИ жамоалари ҳам ҳимоя қилишди.

Мусобақа ёш тоифаларига қараб ўғил болалар ва қизлар ўртасида ўтказилди. Унда ҳамюртларимиздан ташқари Россиянинг турли автоном Республикалари, вилоят ва шаҳарларидан ташриф буюрган жамоалар, шунингдек, Украина, Қозоғистон ва озарбайжонлик ёш гандболчилар ҳам баҳс олиб боришди.

Айлана тизимда кечган халқаро турнир якунида 2003-2004 йилда туғилган ўсмир йигитларимиз кумуш медални қўлга киритишган бўлса, қизларимиз бронза медали билан тақдирланишди.