21 сен 15:53
Янгиликлар
Гандбол
Гандболчиларимизда мағлубият. Аммо ҳали жаҳон чемпионати йўлланмаси учун имконият бор
Иорданияда гандбол бўйича аёллар ўртасида Осиё чемпионати давом этмоқда.
Ўзбекистон терма жамоаси бугун гуруҳ босқичидаги охирги ўйинини ўтказди. Ушбу баҳсда қизларимизга Гонконг терма жамоаси рақиблик қилди. Кескин курашларга бой бўлган баҳсда афсуски қизларимиз 27:30 ҳисобида имкониятни бой бериб қўйишди ва гуруҳда тўртинчи ўринни эгаллашди.
Энди қизларимиз 5-8 ўрин учун кечадиган баҳсда ЖЧ йўлланмаси учун кураш олиб боришади. Кейинги баҳсда гандболчиларимизга "Б" гуруҳида учинчи ўринни қўлга киритган терма жамоа рақиблик қилади.
Қизларимизга ЖЧ йўлланмаси учун курашда Эрон, Иордания ёки Сурия терма жамоаларидан бири рақиблик қилади.
Ҳавола :
Манба : olamsport.com
Фикрлар