Ғарбий Осиё чемпионатида иккинчи бўлган шахматчиларимиз Ватанга қайтишди ФОТОРЕПОРТАЖ

Бугун тун ярмидан оққанда шахматчиларимиз Мальдив давлатининг Укулхас оролида 8 ёшдан 18 ёшгача бўлган ўғил-қизлар ўртасида бўлиб ўтган Ғарбий Осиё чемпионатидан ёруғ юз билан қайтишди. 

Ислом Каримов номидаги “Тошкент халқаро аэропорти”да “ақл гимнастика” чиларни Ёшлар ишлари агентлиги, Халқаро шахмат академияси мутасаддилари, шахматчиларнинг ота-оналари, яқинлари ҳамда оммавий ахборот воситалари ходимлари тантанали равишда кутиб олишди.

Хабарингиз бор мазкур мусобақада ҳамюртларимиз 10 та олтин, 8 та кумуш, 5 та бронза медалларини қўлга киритиб, умумжамоа ҳисобида 2-ўринни эгаллаган эди.

Алимурод МАМАДАМИНОВ, ўз мухбиримиз