Гави "Барселона" асосий таркибидан чиқарилди

"Mundo Deportivo" хабарига кўра, Каталония клуби футболчини рўйхатдан ўтказиш бўйича апелляцияни бой берди. "Барселона" сентябрь ойида Гави билан янги шартнома имзолади, шундан сўнг у асосий жамоанинг расмий футболчисига айланиши керак эди. 

Бироқ Ла Лига футболчини рўйхатдан ўтказишга рухсат бермади ва кейинчалик суд ҳам буни тасдиқлади, чунки "Барселона" иш ҳақи фонди бўйича муаммога эга. Энди Гави оширилган маош ололмайди ва 6-рақам остида ҳам ўйнамайди. Эндиликда у "кўк-анорранглилар" сафида яна 30-рақам остида ўйнашига тўғри келади.