12 авг 09:03
Янгиликлар

Бокс/ММА

Геннадий Головкин: “Альварес мен жанг қилган рақиблар орасида энг “ифлоси”

Профессионал бокснинг ўрта вазн тоифасида учта йўналиш бўйича жаҳон чемпиони Геннадий Головкин АҚШнинг Калифорния штатида бўлажак жангига тайёргарлик кўрмоқда.

Қозоғистонлик боксчи Сауль “Канело” Альваресга қарши кечадиган иккинчи жанги олдидан яна бир бор рақиб ҳақида фикр билдирди.

“Альварес шу кунгача мен жанг ўтказган рақиблар орасида энг “ифлоси”, яъни у тоза жанг қилмайди. Бу ҳам етмагандек, кучили сунъий равишда ошириш учун допинг ҳам истеъмол қилади”, - деди Головкин.

Эслатиб ўтамиз, Геннадий Головкин ва Сауль “Канело” Альварес ўртасидаги жанг 15 сентябрь куни АҚШнинг Невада штати Лас-Вегас шаҳрида бўлиб ўтади. Бу икки боксчининг илк жангида дуранг натижа қайд этилганди.