06 май 10:05
Янгиликлар

Бокс/ММА

Геннадий Головкин Мартиросянни нокаутга учратди

Бугун АҚШнинг Калифорния штати Карсон шаҳрида профессионал бокс кечаси бўлиб ўтди.

Оқшомнинг марказий жанги ўрта вазн тоифасида WBC, WBA ва IBF йўналишлари чемпиони Геннадий Головкин ҳамда даъвогар боксчи, асли келиб чиқиши арманистонлик, ҳозирда АҚШ шарафини ҳимоя қилаётган Ванес Мартиросян ўртасида ўтказилди.

Жанг узоқ давом этмади. Иккинчи раунднинг ўзида Головкиннинг кучли зарбаларидан сўнг Мартиросяннинг жангни давом эттира олмаслиги маълум бўлди. Головкин бугунги ғалабаси учун роппа-роса 1 миллион долларга эга бўлади. Мартиросяннинг гонорари эса 225 000 долларни ташкил этади.