13 мар 20:20
Янгиликлар

Бокс/ММА

Геннадий Головкин: "Яна олтита жанг ўтказаман"

Ўрта вазн тоифасида собиқ жаҳон чемпиони Геннадий Головкин DAZN стриминг сервиси билан шартнома имзолаш маросимида режаларига ҳам тўхталиб ўтди.

Келишувга кўра, Головкин уч йил давомида олтита жанг ўтказиши керак бўлади. Бу йилига иккитадан жанг деганидир. Головкинга тегишли GGтG Promotions промоутерлик компанияси эса DAZN учун 2020 ва 2021 йилларда иккита бокс шоусини ташкил қилиб беради.

"Мен эркин агент сифатида DAZN билан шартнома имзоладим. Бу мен учун энг тўғри қарор бўлди. Очиғини айтаман, менда бошқа таклифлар ҳам бор эди. Лекин мен энг яхшисини танладим. DAZN билан келишувимиз асосидаги илк жанг июнь ойида бўлиб ўтади. Камида олтита жанг ўтказа оламан. Ўзимни жуда яхши хис қиляпман", - деди Головкин.