16 июн 09:02
Янгиликлар

Бокс/ММА

Генри Сехудо навбатдаги жангини Марлон Верага қарши ўтказиши айтилмоқда

20 август куни АҚШнинг Бостон шаҳрида UFC 292 мусобақаси ўтказилади.

Ижтимоий тармоқларда ушбу мусобақа доирасида икки вазнда собиқ чемпион Генри Сехудо (16-3) ҳам жанг қилиши ҳақида хабарлар тарқалмоқда. Айтилишича, унга эквадорлик Марлон Вера (22-8-1) рақиблик қилади.

Сехудо сўнгги жангини энг енгил вазн тоифасида амалдаги чемпион Алжемейн Стерлингга қарши ўтказиб, ҳакамлар қарори билан мағлуб бўлган эди. Вера эса оҳирги жангида америкалик Кори Сэндхагенга имкониятни бой берган эди.

Маълумот ўрнида, UFC 292 турнирининг марказий жанги Алжемейн Стерлинг ҳамда Шон О'Мэлли ўртасида кечади.