Генри Сехудо рақиб танлади ва унга ўғлим дея мурожаат қилди

"Учталик чемпион"нинг сўзларига қараганда, у ўз ватандоши Роб Фонтга қарши жанг ўтказмоқчи. Фонт айни пайтда UFC рейтингида 9-ўринни эгаллаб турибди.

"Эй, Роб Фонт, хотиним кўпроқ вақтимни болаларим билан ўтказишим кераклигини айтмоқда. Шундай экан, кел 20 июль куни Лас-Вегасдаги турнирда ўзаро жанг ўтказамиз. Дарвоқе, Оталар Кунига совға олмадим деб ўзингни қийнама! Ўша куни мен сенга берадиган "совғаларим" иккимизга ҳам етарли бўлади. Шартнома қўл қўй, латта", - дея куракда турмайдиган гапларни айтган Сехудо. 

Эслатиб ўтамиз, шу йилнинг февраль ойида Генри Сехудо даъвогарлар жангида Мераб Двалишвилига очколар ҳисобига кўра ютқазиб қўйганди. Айни пайтда Генри дивизион рейтингида 5-ўринни банд этган. Роб Фонт сўнгги икки жангида Кори Сэндхаген ва Дейвесон Фигередога имкониятни бой берган.