Генри Сехудо Стерлинг ва О’Мэлли жангига тахмин билдирди

Олдинроқ UFC президенти Дана Уайт Стерлинг ва О’Мэлли 19 август куни Бостонда бўлиб ўтадиган UFC 292 турнирида учрашишини маълум қилганди.

“Мен ишонаманки, Стерлинг Шонни эзиб, уни қафасга сиқиб қўяди. Агар Алжамейн мен билан жангда тейкдаун қилган бўлса, у буни бошқа ҳар қандай рақибга қарши қила олади. Шундай экан, менимча, Шон муаммога дуч келади. Мен унинг жиу-житсу устида ишлаётганига шубҳа қилмайман, лекин ММАда бу бутунлай бошқача. Шунинг учун Стерлинг О’Мэллига оғриқ беришига ишончим комил", - деди Сехудо журналист Чаматкар Санду билан суҳбатда.

Эътиборлиси, Стерлингнинг ўзи белгиланган санагача тикланишга улгуришига шубҳа қилмоқда.