Генри Сехудо: Стерлинг ва Романовни UFC`дан ҳайдаш керак

"Киноакадемияда бу йил бир нечта номинациялар бўйича ғолиблар аниқланади. Алжамейн Стерлинг ва Александр Романовга ҳам актёрлик учун мукофот бериш керак. Дана Уайт бу муғомбирларни ташкилотдан ҳайдаб юбориши лозим. Акс ҳолда бу қолганларга таъсир ўтказади. Дана, бу футболчиларга чиқиш эшикларини кўрсатиб қўй!", - дейди Сехудо. 

Маълумот учун, оғир вазн тоифасидаги молдовалик аралаш яккакураш устаси Александр Романов Лас-Вегасда ўтган UFC on ESPN 22 турнири доирасида Хуан Эспинога қарши кечган жангнинг учинчи раундида баҳсни давом эттирмасликни лозим топганди. У бу қарорини рақибининг белдан пастга йўллаган зарбаси билан изоҳлаган эди. Жангни кузатиб борган мухлислар худди Сехудо сингари Романовни симуляция қилаётганликда айблаганди. 

Таъкидлаш жоиз, Алжамэйн Стерлинг шунга ўхшаш ҳолат сабаб Петр Яннинг UFC камарини тортиб олган эди.