20 окт 16:01
Янгиликлар

Бокс/ММА

Генри Сехудо Теофимо Лопесни жангга чорлади

Икки вазнда собиқ UFC чемпиони Генри Сехудо бокс бўйича енгил вазнда WBO, WBA ва IBF йўналишлари чемпиони Теофимо Лопесга "вызов" ташлади.

"Теофимо, камарларни бирлаштириб олганинг билан табриклайман. Яхши энага сифатида дадангнинг камарларига кўз-қулоқ бўлиб тур! Сен кейингисисан", – дея Твиттер саҳифасида хабар қолдирган Сехудо.

Эслатиб ўтамиз, Генри Сехудо шу йилнинг май ойида Доминик Крузни мағлуб этганидан сўнг фаолиятини якунлаганини эълон қилганди. Лопес эса якшанба тонгида Василий Ломаченкони шов-шувли тарзда таслим этган эди.