Германия Кубоги. Икки соат давом этган ўйинда "Бавария" ғалаба қозонди

Учрашув 2006 йилги Жаҳон чемпионати финал учрашувига мезбонлик қилган "Олимпиаштадион" майдонида ўтказилди ва қўшимча таймларда 3:2 ҳисобида немис грандининг ғалабаси билан якунланди.

Ғалаба тўпи экстра-таймда, аниқроғи 98-дақиқада Роберт Левандовскининг ажойиб узатмасидан сўнг Кингсли Коман томонидан киритилди. "Бавария" таркибида Серж Гнабри дубль қайд этган бўлса, "Герта" футболчиларидан Максимилиан Миттельштедт ва Дейви Зельке ўз ҳисобларига биттадан гол ёздириб қўйишди.  

Натижада "Бавария" мусобақадаги юришини давом эттириб, чорак финалга йўл олди.

Герта – Бавария 2:3 (1:1, 1:1, 0:1)
"Олимпияштадион"
Голлар: 1:0 – 3 Миттельштедт, 1:1 – 7 Гнабри, 1:2 – 49 Гнабри, 2:2 – 67 Зельке, 2:3 – 98 Коман.
Герта – Ярстейн, Рекик, Штарк, Платтенхардт, Миттельштедт, Калу (Клюнтер, 82), Лазаро, Груйич, Шелбред (Лустенбергер, 103), Дуда (Торунарига, 110), Ибишевич (Зельке, 64).
Бавария – Ульрайх, Зюле, Алаба, Киммих, Хуммельс, Горетцка, Алькантара, Хамес (Мартинес, 119), Гнабри (Рибери, 89), Коман (Мюллер, 120), Левандовски.
Огоҳлантиришлар: Горетцка (3), Левандовски (120).