01 дек 08:54
Янгиликлар

Теннис

Германия терма жамоаси "Дэвис Кубоги" 1/2 финалида

Терма жамоалар ўртасидаги норасмий жаҳон чемпионати ҳисобланган "Дэвис Кубоги" турнири ўзининг қизғин палласига кирди.

Германия терма жамоаси муросасиз кечган 1/4 финал учрашувида Буюк Британиядан устун келди. Олмонларга ярим финал эшигини очган ғалабани жуфтликлар беллашувида Кевин Кравьец ва Тим Путц тақдим этишди. Улар Жо Сэлисбери ва Нил Скупскидан устун келишди - 7/6(10), 7/6(5).

Шу тариқа, Германия терма жамоаси умумий 2:1 ҳисобида ғалаба қозониб, ярим финалга йўл олди. Уларнинг финал чиптаси учун кечадиган учрашувдаги рақиби Россия - Швеция учрашувидан сўнг маълум бўлади.