08 янв 11:34
Янгиликлар

Теннис

Германия - United Cup соҳиби!

Австралиянинг Перт шаҳрида теннис бўйича терма жамоалар ўртасидаги United Cup турнири якунига етди.

Бош соврин бироз кутилмаганда Германия терма жамоасига насиб этди. Немислар ҳал қилувчи финал учрашувида таркибида дунёнинг биринчи рақамли теннисчиси Ига Свёнтек бўлган Польша терма жамоасини 2:1 ҳисобида мағлуб этишди.

Чемпионлик тақдирини ҳал қилган жуфтликлар учрашувида Александр Зверев ва Лаура Зигемунд польшаликлар Хуберт Гуркач ҳамда Ига Свёнтек ҳамкорлигини 6/4, 5/7, тай-брекда 10:4 ҳисобида мағлубиятга учратишди.

Бир юз беш дақиқа давом этган баҳсда Зверев/Зигемунд жуфтлиги 7, Гуркач/Свёнтек тандеми эса 9 та эйс зарбасини амалга оширган. Иккала жамоа ҳам 3 тадан брейк қайд этишди. Қўшхатолар Германияда кўпроқ бўлди 4 га 3 кўринишида.