Гэтжи яна учта жанг ўтказади, у рақиблар ким бўлишини айтди

Америкалик 31 ёшли Жастин ана шу учта жангда кимларга қарши октагонга чиқишини ҳам ошкор этди.

"Тўлақонли чемпионлик камари учун жанг қилиш остонасида турибман. Менинг ўрнимда бўлишни тахминан 500 нафар жангчи истаётгани аниқ. UFCга келаётган ёш жангчилар ўтказилаётган шоуларни сиёсат бошқараётганини айтишади. Ҳақиқатан ҳам шундай. Лекин кичик имконият ҳам борки, сиёсатни четлаб ўтиб, ўз кучинг билан чемпион бўлишинг мумкин.

Айнан шу нарсани мен амалга ошира олдим. Сиёсат мени синдириб ташлаши мумкин эди. Конор шундай қилишга уриниб кўрди. Бажонидил унинг овозини ҳозироқ ўчиришга тайёрман. Лекин рўйхатимда Конор билан жанг ҳозирча йўқ. Хабибни мағлубиятга учратсам, унинг ортидан келадиган пул умримнинг охиригача етади. Кейин Дастин Порьега навбат келади. Тони оладиганини олди. Хабиб ва Порьени ютсам, кейин Конорга сабоқ бериб қўяман", - деди Гэтжи. 

Эслатиб ўтамиз, Дастин Порье 2018 йилда UFC on Fox 29 турнирида Жастин Гэтжини нокаутга учратган эди.