"Getty"дан 10та шедевр: 28 май

Ҳар куни Gettyimages сайтига жойланган футболга оид энг чиройли суратларини томоша қилишингиз мумкин. Сайтимизга бир кунлик энг ажойиб расмларни йиғиб, эътиборингизга ҳавола қиламиз.

28 май

Бундеслига учрашувида ишлаётган журналист хатто микрофонга ҳам ниқоб кийдириб қўйган

Бу "Вулверхэмптон" клубининг машғулоти. Суратдаги челаклар икки нарса учун хизмат қилади: 1. Футболчилар ўртасидаги масофани сақлаш; 2. Ҳар бир челак ичида сув идишлар бор. Ушбу ғоя футболчилар бир-бирининг идишидан сув ичмаслигини таъминлайди

Харри Кейн-Сон Хён Мин жуфтлиги стол футболида Лукас Моура ва Эрик Дайер жамоасига қарши курашмоқда

Муҳаммад Салоҳ карантин вақтида ҳам формасини сақлай олганини кўз-кўз қилмоқда

Алисон Бекернинг соч турмагига эътибор беринг. Дарвозабон сартарошга мурожаат қилмаганига анча бўлибди

Дания чемпионати учрашуви вақтида мухлислар ўйинни "Zoom" иловаси орқали томоша қилишди. Баҳсни ушбу программа орқали кузатган ишқибозларнинг эфирдаги видеолари стадион трибуналарида намойиш этилди

Шу билан бирга Дания чемпионатидан ўрин олган "Орхус" ҳамда "Раннерс" ўртасидаги баҳсда трибуналарга "мухлислар" ўрнатиб чиқилди. Ушбу суратда (чапдан ўнгга) даниялик сиёсатчи Йоанне Шмидт Нилсен, Дания бош вазири Метте Фредериксен ва Мишель Обама (Барак Обаманинг хотини) сурати ўрнатилган "ишқибозлар"ни кўриш мумкин

Соч турмаги орқали бу йигит ким эканлигини билган бўлсангиз керак

42 ёшга тўлган Жанлуижи Буффон машғулотда ўзини аямай дарвозасини голдан сақлаш жон-жаҳти билан сакрамоқда. Бундай афсонавий посбон барча учун ўрнак десак адашмаган бўламиз