"Гигант"ларнинг 58-тўқнашуви! Жокович ва Надаль "Ролан Гаррос"нинг финалига чиқиш учун курашади

Бугун «Ролан Гаррос» турнирининг ярим финал учрашувлари бўлиб ўтади. Финал чиптаси учун дастлаб Стефанос Циципас ва Александр Зверев баҳс олиб борса, иккинчи йўлланма учун Новак Жокович ва Рафаэль Надаль кураш олиб боради.

Рафаэль Надаль ва Новак Жокович "Ролан Гаррос" нинг чорак финалида рақибларини мағлуб этиб, ярим финалга чиқди. Энди биз жаҳон теннис "гигант"ларининг 58-тўқнашуви гувоҳига айланамиз.

Надаль ва Жокович ўртасидаги шахсий учрашувлар ҳисоби Новак фойдасига 29-28. Улар ҳард кортда кўп учрашишган  ва сербиялик у ерда катта устунликка эга, 20-7.

 Майсали кортда ушбу теннисчилар тўлиқ тенгликка эга - 2-2. Хўш, тупроқли кортдачи? Рафаэль катта устунлик билан пешқадам бўлиб турибди - 19-7.

Сўнгги марта бу икки теннисчи "Ролан Гаррос"да олти ой олдин - 2020 йилги кузги мусобақада учрашишган. Ўшанда Рафаэль учта сетда ғалабага эришган эди.

Грунт қиролини энг севимли кортида мағлуб этиш мумкинми? Жокович буни 7 марта амалга оширган. Саккизинчиси бўладими?Бугун бу саволга жавоб оламиз. Қадрли мухлис Жокович ва Надаль ўртасидаги учрашувни ўтказиб юборманг.

Хуршида Абдиқулова тайёрлади