07 фев 10:11
Янгиликлар

Бокс/ММА

Гилберт Бернс Шавкат Раҳмоновнинг кечаги жангига баҳо берди

Яримўрта вазнда чемпионлик учун собиқ даъвогар Гилберт Бернс қозоғистонлик UFC жангчиси Шавкат Раҳмонов ҳақида фикр билдирди.

Эътиборга молик жиҳати шундаки, Бернс ва Раҳмонов битта жамоада машғулот ўтказишади. Кеча қозоғистонлик яккакураш устаси Лас-Вегасда ўтган UFC Fight Night 200 турнирида гайаналик Карлстон Харрисни биринчи раунднинг ўзида нокаутга учратган эди.

"Шавкат шунчаки монстр! У даҳшатнинг ўзгинаси. Раҳмонов мақтовларга лойиқ! Вау, 15 жанг, 15 муддатидан олдин қозонилган ғалаба!", - дея ўзининг Твиттер саҳифасида хабар қолдирган бразилиялик жангчи.

Маълумот учун, 27 ёшли Шавкат Раҳмонов кечаги ғалабасига қадар бразилиялик жангчилар Алекс Оливейра ва Мишель Празересни муддатидан аввал бўғиш усули билан мағлубиятга учратган эди.