11 окт 08:03
Янгиликлар

Гимнастика

Гимнастикачи қизлар “Вазир кубоги” учун беллашди

Термизда бадиий гимнастика бўйича “Вазир кубоги” учун ўтказилаётган спорт мусобақасининг шаҳар босқичи баҳслари бўлиб ўтди.

Давлатимиз раҳбарининг 2022 йил 23 декабрдаги “Гимнастика спорт турларини янада ривожлантириш чора-тадбирлари тўғрисида”ги қарори ижроси доирасида ташкил этилган мусобақада шаҳар умумтаълим мактабларининг 1-4-синф ўқувчи қизлари Мактабгача ва мактаб таълими вазири кубоги учун беллашди.

Гуруҳ машқлари ва шахсий дастурда олиб борилган мусобақа қизғин кечди. Биринчи ўрин 9-умумтаълим мактаби жамоасига насиб этди. 21-мактаб гимнастикачи қизлари иккинчи ҳамда 11-умумтаълим мактаби жамоаси учинчи ўринга сазовор бўлди. Ғолиб ва совриндорлар муносиб тақдирланди.