08 мар 10:54
Янгиликлар

Гимнастика

Гимнастикачи спортчиларга янги спорт жиҳози топширилди

Навоий вилоят ҳокими Нормат Турсунов ва тегишли масъуллар Навоий шаҳридаги "Ёшлик" спорт мажмуасида бўлиб, вилоят Гимнастика спорт турларига ихтисослаштирилган спорт мактаби фаолияти билан танишди.

Шунингдек, вилоятда гимнастиканинг трамполин спорт турини ривожлантириш мақсадида, хориждан олиб келинган жаҳон стандартларига мос янги батут спорт мактабига топширилди. Спортчиларнинг трамполин спорт тури машғулот жараёнлари билан танишилди.

Шундан сўнг, вилоят ҳокими 8 март – Халқаро хотин-қизлар куни муносабати билан ўтказилаётган гимнастрада спорт мусобақаси жараёнларида иштирок этди ҳамда ғолиб спортчиларни ва мураббийларни байрам билан муборакбод этди.