Гимнастикачиларнинг нозик ва чаққон ҳаракатлари томошабинларга завқ бағишлади

Тадбир гимнастика спорт тури бўйича ўтказилди. Унда университет профессор-ўқитувчилари, талабалар иштирок этди.

Талабалар спорт гимнастикаси, бадиий гимнастика, спорт акробатикаси йўналишларида тасма, ҳалқа, тўп ва булавада машқ бажариш бўйича бор иқтидори, маҳорати ва тажрибасини, мусиқа ва оҳангни ҳис қилиш қобилиятини намойиш этишди. Тадбир дастуридан кўпкураш – яккалик ва гуруҳ ҳамда айрим гимнастика турлари бўйича чиқиш машқлари жой олди.

Гимнастикачи қизларнинг гиламдаги енгил, чаққон ва нозик ҳаракатлари томошабинларга завқ бағишлади. Бир сўз билан айтганда тадбир барча ихлосмандлар учун ҳақиқий ёшлик, гўзаллик ва спорт байрамига айланди. 

ЎзДЖТСУ матбуот хизмати