Ғиёсжон Бобоевни табриклаймиз!

Бухоро дзюдо мактаби тарбияланувчиси бўлган Бобоев бир неча йилдирки, асосий жамоамиз таркибида халқаро мусобақаларда татамига чиқиб келмоқда. Ўсмирлар, ёшлар ва катталар ўртасидаги жаҳон чемпионатлари иштирокчиси. 

Боку "Катта Дубулға" турнирида кумуш, Токио "Катта Дубулға" мусобақасида бронза медалини қўлга киритган. 2017 йилги Тбилиси Гран-при турнири ғолиби, 2016 ва 2017 йилги Тошкент Гран-при турнирлари кумуш медали совриндори, худди шу мусобақанинг 2015 йилги бронза медали соҳиби бўлган. Минскда ўтган Европа Очиқ чемпионатида бронза медалига эга чиққан. 

Фурсатдан фойдаланиб, Ўзбекистон дзюдо федерацияси номидан халқаро тоифадаги спорт устаси Ғиёсжон Бобоевни таваллуд айёми билан муборакбод этамиз. Унга сиҳат-саломатлик, спортчилик фаолиятида улкан зафарлар тилаймиз!