23 май 17:55
Янгиликлар
Футбол
Глейзерларнинг "ишбилармонлигига" шубҳа қилманг
"Манчестер Юнайтед" хўжайинларидан бири Аврам Глэйзер ярим миллион фунтлик учиш харажатларини клуб ҳисобига "илиб қўйди".
"The Athletic"нинг хабарига кўра, гап америкалик ишбилармоннинг Атлантика океани устидан ўтадиган шахсий самолётдаги, ҳар бири 250 000 фунтга тушадиган, икки парвоз ҳақида кетяпти.
Уларнинг биринчисида Глэйзер "Юнайтед"нинг Лига Кубоги финалида "Ньюкасл" устидан "Уэмбли"да зафар қучишини кўриш учун февраль ойида келган, иккинчи сафар эса Аврам аёллар ўртасидаги Англия Кубогида "қизил иблислар" "Челси" аёллар жамоасига имкониятни бой берганида бўлган.
Эслатиб ўтамиз, Аврамнинг оиласи ҳамон "Юнайтед"ни қимматроққа сотиш пайида юрибди. Катта эҳтимол Глэйзерлар "қизил иблислар" ЕЧЛ йўлланмасини қўлга киритишини кутишмоқда. Шундай тақдирда, улар эҳтимолий харидорлардан яна кўпроқ пул сўрай олишади.
Ҳавола :
Фикрлар