22 июл 10:34
Янгиликлар

Бокс/ММА

Ғофур Раҳимов 72 ёшда!

Бугун таниқли халқаро спорт арбоби, Ўзбекистон профессионал бокс федерацияси раисининг биринчи ўринбосари Ғофур Раҳимов ўз оила аъзолари, яқинлари даврасида қутлуғ 72 ёшини нишонлаяпти.

Ғофур Аҳмедович турли йилларда Халқаро бокс ассоциацияси, Осиё бокс конфедерацияси, Осиё Олимпия кенгаши, Миллий олимпия қўмитаси, Ўзбекистон ҳаваскор бокс федерацияси каби нуфузли спорт ташкилотларида фаолият олиб борганлар. Ғофур Аҳмедов ҳамон Ўзбекистон ва жаҳонда олимпия ҳаракати ривожига улкан ҳисса қўшиб келмоқда.

Сайтимиз ижодкорлари ва ўқувчилари номидан Ғофур Аҳмедовични бугунги унутилмас кун, қутлуғ сана билан самимий муборакбод этамиз. Уларга сиҳат-саломатлик, оилавий бахт, фарзандлар, набираю эваралар роҳатини узоқ йиллар кўриб юришларини тилаймиз.