Ғофур Раҳимов AIBAнинг қарзи қанча эканлигини айтди

Ташкилот раҳбари вазифасини бажарувчи Ғофур Раҳимов Конгрессдаги бугунги чиқиши давомида бир қатор масалаларга тўхталиб ўтди. 

- Биз AIBAнинг жаҳон спорт ҳамжамиятидаги ўрнини мустаҳакамлашга, ташкилотнинг аввалги обрўсини қайта тиклашга ҳаракат қиляпмиз. Сўнгги 9 ой давомида бу борада катта ҳажмдаги ишлар амалга оширилди. Ислоҳотлар барча йўналишлар бўйича олиб бориляпти. 

Мен AIBAга раҳбар этиб тайинланган вақтимда ташкилотнинг қарзи 40 миллион доллардан ошиб кетганди. Ҳомийлар ва сармоядорлар бу борада AIBAни судга ҳам беришганди. Қисқа фурсат ичида янги ҳомийлар билан шартномалар имзоланди ва мавжуд қарздорлик деярли қопланди. 

Ҳозирда ташкилот бюджетини тўлдириш учун ҳаракатларни давом эттиряпмиз. Мен бошланган ишни якунига етказишни хоҳлайман. Албатта, бу борада сизларнинг ёрдамингизга таянаман, - деди Ғ.Раҳимов.

Камолиддин АЛИМОВ Москва, Россия Федерацияси

Суратлар муаллифи - Маъруфжон Асқаров