Ғофур Раҳимов Ўзбекистондаги илк промоутерлик компанияси вакиллари билан учрашди

Маълумки, "Фавзул Мунаввар" юртимизда фаолиятини бошлаган илк промоутерлик клубларидан бири ҳисобланади. Ўтган асрнинг 90-йиллари охирида ташкил этилган ушбу компания бугунги кунда ҳам жадал суратларда фаолиятини давом эттирмоқда. 

Ўз вақтида ушбу компания томонидан Бекободда ташкил этилган профессионал бокс оқшомига ўзининг соч турмаги билан танилган мутлақ жаҳон чемпиони Константин Цзю фахрий меҳмон сифатида ташриф буюрган эди.

"Ушбу промоутерлик компанияси ташкил этилганида ўзим биринчилардан бўлиб оқ фотиҳа берган эдим. Юртимизда бу каби компания ва клублар қанчалик кўп бўлса, Ўзбекистон профессионал боксчи шунчалик ривожланиб бораверади. Фақат улар орасида соғлом рақобат бўлиши керак", - деди Ғофур Раҳимов.  

Учрашув сўнггида Ғофур Аҳмедович "Фавзул Мунаввар" промоутерлик компаниясининг режалари билан танишди. Режа бўйича ушбу компания боксчилари июль, август ва сентябрь ойларида Корея Республикаси ҳамда Японияда ташкил этиладиган профессионал бокс кечаларида ўз жангларини ўтказишади.  

Дарвоқе, минтақавий WBC камари соҳиби бўлиб турган боксчимиз Жаҳонгир Расулов ўз камарини Ғофур Раҳимовга совға қилди. У яқинда Австралиянинг Мельбурн шаҳрида ўтказилган бокс кечасининг марказий жангида филиппинлик Жан Рик Карседони иккинчи раунддаёқ мағлуб этган эди.