Ғофур Раҳимов сайловсиз AIBA раҳбарлигига қайта олмайди

Ташкилот ижроқўми ана шундай қарорга келди. Бу бўйича AIBAнинг 13 нафар ижроқўм аъзоси ўз овозини берди. Улардан бир нафари ушбу қарорга қарши бўлди, саккиз аъзо эса бетараф қолди. 

Март ойида Раҳимовнинг ўрнини эгаллаган AIBAнинг вақтинчалик президенти Муҳаммад Мустахсан ижроқўм аъзоларининг истеъфо талабига қарамай, ўз лавозимида қолиши мумкин. 

Эслатиб ўтамиз, кеча Халқаро олимпия қўмитаси AIBAни четлатганди. Ташкилот фақатгина Токио олимпиадасидан сўнг ўз статусини тиклаши мумкин.