02 дек 14:25
Янгиликлар

Бокс/ММА

Ғофур Раҳимов WBC ташкилотида лавозимга эга бўлди

Айни кунларда Тайланднинг Бангкок шаҳрида бўлиб ўтаётган Бутунжаҳон Бокс Кенгашининг (WBC) 63-Конвенцияси доирасида WBC Директорлар кенгашининг навбатдаги мажлиси ўтказилди.

Ушбу мажлис нафақат йилнинг энг муҳим тадбирларидан бири бўлди, балки профессионал бокс тарихида янги саҳифа очмоқда.

Конвенцияда CISBB (МДҲ ва Қора денгиз минтақаси Бокс Бюроси) ташкилоти расман WBC EuroAsia деб қайта номланди. Бу ўзгариш Европа ва Осиё қитъалари ўртасидаги янги стратегик бирлашувнинг бошланиши сифатида қабул қилинди.

Шу билан бирга, WBC Директорлар кенгаши томонидан WBC EuroAsia президенти лавозимига бир овоздан ўзбекистонлик нуфузли спорт функционери Ғофур Раҳимов сайланди.

Унинг бой тажрибаси, стратегик фикрлаш қобилияти ва бокс ривожига қўшган улкан ҳиссаси ушбу тузилманинг келажакдаги йўналишларини белгилашда муҳим ўрин тутади.