17 июн 18:01
Янгиликлар

Баскетбол

"Голден Стэйт" - 2021/2022 мавсум NBA чемпиони!

Бостондаги (АҚШ) "T.D.Garden" аренада NBA финалининг олтинчи ўйини бўлиб ўтди.

Унда "Бостон Селтикс" ўз майдонида "Голден Стэйт Уорриорз"ни қабул қилди. Учрашув меҳмонларнинг 103:90 ҳисобидаги ғалабаси билан якунланди ва бу уларга 2021/2022 йилги мавсумда NBA чемпиони бўлиш имконини берди. Шу тариқа, "Голден Стэйт" серияда 4:2 ҳисобида ғалаба қозонди.

Стефен Карри 34 очко, 7 та рибанд ва 7 та самарали узатма билан "Голден Стэйт" таркибида энг яхши натижани қайд этди.

"Бостон"нинг энг яхши ўйинчиси 34 очко жамғарган, 7 та рибанд ва 3 та самарали узатмани амалга оширган Жейлен Браун бўлди.

Эслатиб ўтамиз, жамоа охирги марта 2017/2018 йилги мавсумда финалда "Кливленд Кавалерс"ни 4:0 ҳисобида мағлуб этиб, турнирда ғолиб чиққан эди.