28 дек 10:12
Янгиликлар

Шахмат

Ғолибларга рекорд даражада пул мукофоти топширилади

Хабар берганимиздек, шу кунларда Саудия Арабистони пойтахти Ар-Риёд шаҳрида шахматнинг рапид ва блиц йўналишлари бўйича жаҳон чемпионати бўлиб ўтмоқда.

King Salman World Rapid and Blitz Chess Championships мусобақасида 55 давлатдан 200 нафардан зиёд дунёнинг энг кучли гроссмейстерлари иштирок этяпти.

Якунда жаҳон чемпионлигига эришган шахматчилар 2 миллион доллар мукофот пулига эга бўлишади. Ушбу суммадан 1 250 000 доллари эркаклар, 750 000 доллари эса аёллар ўртасида чемпион бўлган шахматчига топширилади.

Эслатиб ўтамиз, мазкур жаҳон чемпионатида ўзбекистонлик икки гроссмейстер – 17-жаҳон чемпиони Рустам Қосимжонов (2679) ва Гулруҳбегим Тоҳиржонова (2171) юртимиз шарафини ҳимоя қилишяпти.