Головкин ва Мурата жанги ўтказилмаслиги мумкин

Коноравирус бутун инсоният учун улкан зарарлар келтирди ва келтиришда давом этмоқда. Яқиндагина ушбу вируснинг янги "Омикрон" деб номланган штамми аниқланганди. Шунинг ўзи, бир неча давлатларининг чора кўриши учун етарли бўлди. Ҳусусан Япония ҳам ўз чегараларини чет эл фуқаролари учун ёпишини эълон қилди. 

Шу сабаб ҳам, IBF ва IBO камарлари соҳиби Геннадий Головкин ва WBA Super чемпиони Рёта Мурата ўртасидаги жангнинг ўтказилиши катта сўроқ остида қолмоқда. Жанг 29 декабрь куни Токио шаҳридаги "Saitama Super Arena" мажмуасида ўтказилиши режалаштирилаётганди.

Ҳозирда чекловлар қанча муддат давом этиши аниқ эмас. Chunichi Shimbun нашрининг хабар беришича, ушбу жанг Япония бокс тарихидаги энг катта воқеа бўлиши кутилаётган эди. Жангнинг тўлиқ бюджети 15 миллиард иенага (132 млн доллар) тенг эди.