13 сен 08:17
Янгиликлар
Бокс/ММА
Головкиннинг мураббийи: “Геннадий нокаут эвазига ғалаба қозонади”
Профессионал бокснинг ўрта вазн тоифасида учта йўналиш чемпиони бўлиб турган Геннадий Головкин ҳамда даъвогар боксчи Сауль Альварес ўртасидаги узоқ кутилган жангга ҳам уч кун қолди.
Қозоғистонлик боксчининг мураббийи Абель Санчес якшанба тонгида ўтказиладиган жанг олдидан яна бир бор фикр билдириб, шогирдининг имкониятларини жуда юқори баҳолади.
“Одатда мен жангга тайёргарлик ҳақида гапирмайман. Лекин машғулотнинг бир қисми билан ўртоқлашишим мумкин. Геннадий машғулот чоғида кўпроқ рақибнинг тана қисмига зарба бериш устида ишлади. 2004 йили Бернард Хопкинс ана шу зарбалари эвазига Оскар Де Ла Хойяни нокаутга учратганди.
Энди 14 йил аввалги ишни Головкин амалга оширади. Биз бу техникага “The Ginger Snap” деб ном ҳам қўйдик. Бернард Оскарни нокаутга учратган биринчи боксчи бўлганди. Головкин ҳам Альваресга илк нокаутни тақдим этади”, - деди Санчес.
Ҳавола :
Манба : allboxing.ru
Фикрлар