23 мар 12:37
Янгиликлар

Футбол

Гонконг Ўзбекистонга бразилиялик ўйинчиларсиз ташриф буюради

Пеле ватандошлари терма жамоамизга қарши кечган 3-тур учрашувини асосий таркибда бошлаганди.

Гонконг терма жамоаси жаҳон чемпионати саралаши 2-босқичи 4-туридан ўрин олган Ўзбекистонга қарши учрашувда майдонга тушиш учун бугун Жанубий Корея орқали Ўзбекистонга учиб келиб, тайёргарликни бошлайди.

Ўзбекистонга қарши дастлабки ўйиндан сўнг таркибда бир қатор ўзгаришлар мавжуд. Жумладан, келиб чиқиши Бразилияга бориб тақаладиган ва Гонконг фуқаролигини қабул қилган вингер Эвертон ва ҳимоячи Элио мазкур баҳсда иштирок этмайди. Шунингдек, Чунг Леан ҳам жамоа билан бирга эмас.

Эслатиб ўтамиз, Ўзбекистон ва Гонконг ўртасидаги жавоб учрашуви 26 март куни соат 19:30 да старт олади.